චීනයේ ෂැන්ඩොං ප්‍රදේශයේ සිදු වූ රිය අනතුරකින් පාසල් සිසුන් පස් දෙනෙකු ඇතුළුව පුද්ගලයින් 11 දෙනෙකු ජීවිතක්ෂයට ඇති බව ජාත්‍යන්තර මාධ්‍ය වාර්තා කරනවා.
අනතුර සිදුව ඇත්තේ පාසල් ළමුන් රැගත් බස් රථයක් මාර්ගය අසල රැදී සිටි තවත් සිසුන් සහ දෙමව්පියන් පිරිසක් වෙත කඩා වැදීමෙන් බවයි සඳහන් වන්නේ.
අනතුරෙන් තවත් පුද්ගලයින් 13 දෙනෙකු තුවාල ලබා රෝහල් ගත කර ඇති අතර ඔවුනගෙන් එක් අයෙකුගේ තත්ත්වය බරපතළ බව වාර්තා වනවා.
කෙසේවෙතත් අදාළ අනතුර සම්බන්ධයෙන් බස් රථයේ රියදුරු එරට ආරක්ෂක අංශ විසින් අත්අඩංගුවට ගෙන තිබෙනවා.