දකුණු අප්‍රිකා A කණ්ඩායම සමඟ පැවැති දෙවන නිලනොලත් එක්දින ක්‍රිකට් තරගය ලකුණු 30කින් ජයගැනීමට ශ්‍රී ලංකා A කණ්ඩායම සමත් වුණා.
තරගයේ ප්‍රථමයෙන් පන්දුවට පහර දුන් ශ්‍රී ලංකා කණ්ඩායම නියමිත පන්දුවාර 50 තුළ කඩුලු 7ක් දැවි රැස්කරගත් ලකුණු සංඛ්‍යාව 269ක්.
එහිදී ළහිරු උදාර ලකුණු 86ක්, සහන් ආරච්චිගේ ලකුණු 52ක් ලබාගත්තා.
පන්දු යැවීමේදී ඇන්ඩිල් ෆෙක්වායෝ සහ ඇන්ඩීල් සිම්ලේන් කඩුලු දෙක බැගින් දවාගැනීමටයි සමත් වුණේ.
ජයග්‍රහණය සඳහා ලකුණු 270ක ඉලක්කයක් හඹා ගිය දකුණු අප්‍රිකා කණ්ඩායමට පන්දුවාර 41.1ක් තුළ සියලු දෙනා දැවී රැස්කරගැනීමට හැකිවූයේ ලකුණු 239ක් පමණයි.
එහිදී මැතිව් බ්‍රීට්ස්කේ ලකුණු 74ක් ලබගත්තා.
පන්දු යැවීමේදී දුෂ්මන්ත හේමන්ත බිඳහෙළු කඩුලු සංඛ්‍යාව 05ක්.
ඒ අනුව තරග තුනකින් සමන්විත තරගාවලිය දෙකට බින්දුවක් ලෙස ජයගැනීමටයි ශ්‍රී ලංකා කණ්ඩායම සමත් වුණා.