ශ්‍රී ලංකා වයස අවුරුදු 19 පහළ ක්‍රිකට් කණ්ඩායමේ හිටපු නායකයෙක් වන ධම්මික නිරෝෂණ හෙවත් ජෝන්ටි ඝාතනයට සැකපිට එක් අයෙක් අත්අඩංගුවට ගත් බව මහජන ආරක්ෂක අමාත්‍ය ටිරාන් අලස් මහතා පවසනවා.
ධම්මික නිරෝෂණ ඉකුත් අඟහරුවාදා (16) ඔහුගේ අම්බලන්ගොඩ, කන්ද ප්‍රදේශයේ පිහිටි නිවස ඉදිරිපිටදී වෙඩිතබා ඝාතනය කර තිබුණා.
වෙඩිතැබීම සඳහා පුද්ගලයින් තිදෙනෙක් පැමිණ තිබූ බව සඳහන් වනවා.
බූරු පිටියක ඇතිවූ ආරවුලක් හේතුවෙන් ඔහුව ඝාතනය කර ඇති බවට විවිධ තොරතුරු වාර්තා වුණා.
මහජන ආරක්ෂක අමාත්‍යංශයේ අද (18) පැවති මාධ්‍ය හමුවක් අමතමින් අමාත්‍යවරයා පැවසුවේ සැකකරු බොහෝ විස්තර හෙළිකර ඇති බවයි.
එසේම රටපුරා සිදුවන බොහෝ වෙඩි තැබීම් වලට හේතුව යුද සමයෙන් පසුව ගිනි අවි තවමත් සංසරණය වීම බවද අමාත්‍යවරයා පවසනවා.