ඝාතනයට ලක්වූ ක්ලබ් වසන්තගේ දේහය පිළිබඳ අවසන් කටයුතු බොරැල්ල පොදු සුසාන භූමියේදී සිදුකරන අතරතුර මාකඳුරේ මදූෂ්ගේ දේහය භූමදන කර ඇති ගොඩිගමුව පොදු සුසාන භූමියේ ඉදිරිපස ඔහුගේ ඡායාරූපයක් සහිත බැනරයක් ප්‍රදර්ශනය කර තිබුණු බව වාර්තා වනවා.
“අපේ අයියේ එක එක්කෙනා එවනවා. අපි එනකන් බලාගන්න.” යනුවෙන් එහි සඳහන් කර තිබුණ අතර ඊට යටින් KPI යනුවෙනුත් සඳහන් කර තිබුණා.
අතුරුගිරිය ප්‍රදේශයේ ටැටූ මධ්‍යස්ථානයක් විවෘත කිරීමට ගිය සුරේන්ද්‍ර වසන්ත පෙරේරා හෙවත් ක්ලබ් වසන්ත හා තවත් අයෙක් පසුගිය 8වනදා වෙඩිතබා ඝාතනය කෙරුණ අතර මාකඳුරේ මදූෂ්ව අත්අඩංගුවට ගැනීමට ඔත්තුව ලබාදුන් පළමු වැන්නා ඔහු බවටයි මදූෂ්ගේ සමීපතමයන් විශ්වාස කරන්නේ.
ඒ අනුව ඔහුව ඝාතනය කළ බවට සැක කරනවා.
