තායිලන්තයේ බැංකොක් නුවර පැවැත්වෙන 25 වන ආසියානු මලල ක්‍රීඩා ශූරතාවලියේදී මීටර් 800 ඉසව්වෙන් නව තරග වාර්තාවක් පිහිටවමින් රන් පදක්කමක් දිනා ගැනීමට ශ්‍රී ලංකාවේ තරූෂී කරුණාරත්න සමත් වූවාය.
ඇය එම ඉසව්ව 2:00.66 නිම කරමින් මෙම දස්කම දැක්වු අතර එය ශ්‍රී ලංකා වාර්තාවද අභිබව යාමකි.
එම ඉසව්වේ ලෝකඩ පදක්කමක් දිනා ගැනීමට ගයන්තිකා අබේරත්න සමත්වී තිබේ. ඇය තරගය නිම කිරීම සඳහා 2:03.25 කාලයක් වාර්තා කර ඇත.