සංචාරක ශ්‍රී ලංකා කණ්ඩායම සහ එංගලන්ත කණ්ඩායම අතර දෙවන ටෙස්ට් තරගය එංගලන්තයේ ලෝඩ්ස් පිටියේදී ඊයේ (29) පැවැත්වුණා.
එහිදී කාසියේ වාසිය දිනූ ශ්‍රී ලංකා කණ්ඩායම පළමුව පන්දු යැවීමට තීරණය කළා.
ඒ අනුව පළමුවෙන් පන්දුවට පහර දුන් එංගලන්ත කණ්ඩායම පළමු ඉනිම සඳහා පන්දුවාර 88 අවසානයේ කඩුළු 7ක් පමණක් දැවී ලකුණු 358ක් රැස් කිරීමට සමත් වුණා.
එහිදී Joe Root ලකුණු 143ක් රැස් කිරීමට සමත් වූ අතර Ben Duckett ලකුණු 40ක් සහ Harry Brook ලකුණු 33ක් රැස් කරමින් ඉනිම ශක්තිමත් කළා.
ශ්‍රී ලංකා කණ්ඩායම වෙනුවෙන් පන්දු යැවීමේ දී Asitha Fernando, Milan Rathnayake 5 Lahiru Kumara කඩුළු 2 බැගින් දවා ගත් අතර Prabath Jayasuriya එක් කඩුල්ලක් දවා ගැනීමට සමත් වුණා.
පළමු ටෙස්ට් තරගයෙන් ලද පරාජයත් සමග ශ්‍රී ලංකා කණ්ඩායම මෙම තරගයට පිවිසෙන්නේ තරගාවලිය එකට එකක් ලෙස සම කර ගැනීමේ අරමුණ ඇතිවයි.