ඊශ්‍රායල රජයේ පාලනයේ පවතින ගෝලාන් කඳුකරයේ පාපන්දු ක්‍රීඩා කරමින් සිටි පිරිසකට ඊයේ (28) එල්ලවූ රොකට් ප්‍රහාරයකින් ළමුන් සහ තරුණයින් ඇතුළුව 12 දෙනෙකු මිය ගිය බව ඊශ්‍රායලය පවසනවා.
ඊශ්‍රායලය චෝදනා කරන්නේ මෙම ප්‍රහාරයට හිස්බුල්ලා සංවිධානය වග කිවයුතු බවයි.
ඊශ්‍රායලයට එල්ලකළ ප්‍රහාරයට ප්‍රතිචාර ලෙස ලෙබනනයේ හිස්බුල්ලා සංවිධානය ඉලක්ක වෙන ගුවන් ප්‍රහාර රැසක් ඊශ්‍රායල හමුදාව විසින් එල්ල කර තිබෙනවා.
මෙම සිදුවීමත් සමග දෙපාර්ශ්වය අතර දේශසීමාවේ පවතින ගැටුම් උත්සන්න වී ඇති බව විදෙස් මාධ්‍ය වාර්තා පවසනවා.
කෙසේවෙතත් ලෝක නායකයින් රැසක් මෙම ප්‍රහාරය හෙළා දැක තිබූ අතර, හිස්බුල්ලා සංවිධානය ප්‍රහාරය සම්බන්ධයෙන් එල්ල වූ චෝදනා ප්‍රතික්ෂේප කර තිබෙනවා.