2023 සිට 2025 දක්වා කාලය සඳහා එක්සත් ජාතීන්ගේ ලෝක සංචාරක සංවිධානයේ (UNWTO) දකුණු ආසියානු කොමිසමේ උප සභාපති ලෙස ශ්‍රී ලංකාවේ සංචාරක අමාත්‍ය හරීන් ප්‍රනාන්දු පත් කර තිබේ .
කාම්බෝජයේ නොම් පෙන් හි පැවති දකුණු ආසියාව සඳහා වන UNWTO කොමිසමේ (CSA) 59 වන රැස්වීමේදී හරීන් ප්‍රනාන්දුට ලබාදුන් නව තනතුර පිළිබඳ නිළ වශයෙන් නිවේදනය කර ඇත .
මේ පිළිබඳව අදහස් දක්වමින් සංචාරක අමාත්‍ය හරීන් ප්‍රනාන්දු ප්‍රකාශ කර සිටියේ එක්සත් ජාතීන්ගේ ලෝක සංචාරක සංවිධානයේ උප සභාපති ධුරය ශ්‍රී ලංකාවට ලැබීම සංචාරක කර්මාන්තයේ සුවිශේෂී උත්සාහයන් සහ දායකත්වය පිළිබඳ සාක්ෂියක් බවයි.