තනි භාවිත ප්ලාස්ටික් අඩු කිරීමේ අරමුණින් ක්‍රියාත්මක කරන නව රෙගුලාසි හේතුවෙන් නොවැම්බර් 1 වැනි දින සිට ක්‍රියාත්මක වන පරිදි පාරිභෝගිකයින්ට වෙළඳසැල්වලින් භාණ්ඩ මිලදී ගැනීමේදී ලබාගන්නා ප්ලාස්ටික් බෑග් සහ බහාලුම් සඳහා මුදල් ගෙවීමට සිදුවන බව පාරිභෝගික කටයුතු අධිකාරිය පවසයි.
එම නව රෙගුලාසිය යටතේ, බොහෝ විට ‘සිලි බෑග්’ ලෙස හඳුන්වන කුඩා පොලිතීන් බෑග් තවදුරටත් නොමිලේ ලබානොදෙනු ඇත.
ඒ අනුව සිල්ලර වෙළෙන්දන්ගෙන් භාණ්ඩ මිලදී ගැනීමේදී ලබාදෙන සෑම බෑගයක් හෝ බහාලුමක් සඳහාම පාරිභෝගිකයන්ගෙන් මුදල් අයකරනු ලැබේ.