ආසියානු කණිෂ්ඨ මලල ක්‍රීඩා උළෙලේදී සිය දෙවෙනි පදක්කම දිනාගැනීමට ශ්‍රී ලංකාවේ තරුෂි කරුණාරත්න සමත් වූවාය. ඇය අද පැවති කාන්තා මීටර 800 ඉසව්වේ රන් පදක්කම හිමිකර ගනිමින් එම තරගාවලියේ ශ්‍රි ලංකාවට මුල්ම රන් පදක්කම දිනා දෙන්නට සමත් වූවාය.
එහිදී ඇය විනාඩි 02:05.63 ක් කාලයක් වාර්තාකරමින් තරගය ජයගත් අතර ප්‍රතිවාදී ක්‍රීඩිකාවන්ගෙන් ඇයට කිසිදු අභියෝගයක් එල්ලවූයේ නැත. ඇය ඊයේ පැවති කාන්තා මීටර් 400 ඉසව්වේ රිදී පදක්කමක් දිනා ගැනීමට සමත් වූවාය.