රාජ්‍ය අමාත්‍ය සනත් නිශාන්ත බ්‍රහස්පතින්දා අද (25) අලුයම කටුනායක අධිවේගී මාර්ගයේ සිදුවූ රිය අනතුරකින් මිය ගිය බව පොලිස් ආරංචි මාර්ග පවසයි.
රාජ්‍ය අමාත්‍යවරයාගේ ආරක්ෂක අංශයට අනුයුක්තව සේවය කළ පොලිස් කොස්තාපල්වරයෙකු ද මෙම අනතුරින් මිය ගිය අතර රියදුරු බරපතල තුවාල ලබා රෝහල් ගත කර තිබේ.
ශ්‍රී ලංකා පොලිසියේ නිල ප්‍රකාශයකට අනුව අලුයම 2 ට මෙම අනතුර සිදුවී ඇති අතර රාජ්‍ය අමාත්‍යවරයා ගමන් ගත් SUV රථය කොළඹ බලා ධාවනය වූ භාණ්ඩ ප්‍රවාහන කන්ටේනර් රථයක පසුපස කෙළවරේ ගැටීමෙන් මෙම ඛේදජනක අනතුර සිදුව තිබේ.