දෙවැනි සහ තෙවැනි පාසල් වාරවලට අදාළ මොඩියුලය පිළියෙළ කිරීමේදී මින් ඉදිරියට කිසිදු ශ්රේණියකට වෙබ් සබැඳි ඇතුළු නොකිරීමට තීරණය කර ඇති බව අග්රාමාත්ය ආචාර්ය හරිනි අමරසූරිය පවසන්නීය .
අද (09) පාර්ලිමේන්තුවේදී අදහස් පළ කරමින් ඇය පැවසුවේ ජාතික අධ්යාපන ආයතනයේ ශාස්ත්රිය කටයුතු මණ්ඩලය විසින් මෙම තීරණය ගෙන ඇති බවයි.
අධ්යාපනයේ ඩිජිටල් පරිවර්තනය සඳහා වූ කාර්ය සාධක බළකාය විසින් මේ වනවිට ඩිජිටල් භාවිතය පිළිබඳ ළමා ආරක්ෂණය පැතිකඩ තුළින් අධ්යනයක් සිදු කර ඒ සඳහා ප්රතිපත්තියක් සහ මාර්ගෝපදේශයක් පිළියෙළ කර ඇති බවත් පැවසූ අග්රාමාත්යවරිය එය ඉදිරියේදී ජාතික අධ්යාපන ආයතනයේ ශාස්ත්රිය මණ්ඩලය වෙත ඉදිරිපත් කිරීමට ද නියමිත බවත් පැවසුවා.
මෙම අධ්යාපන ප්රතිසංස්කරණය තුළින් එම ආයතනය වෙත කිසිදු මූල්ය ප්රතිලාභයක් නොලැබෙන බවත්, ප්රාථමික ශ්රේණිවල සිටින ගුරුවරුන්ගෙන් 92% කට පමණ නව ප්රතිසංස්කරන වලට අදාල පුහුණුව ද මේ වනවිට ලබාදී ඇති බවත් සඳහන් කළ අග්රාමාත්යවරිය මෙහිදී පැවසුවේ පසුගිය මාසවල පැවැති ආපදා තත්ත්වය හේතුවෙන් සැලැසුම් කළ පරිදි ඇතැම් පළාත්වල ගුරුවරුන්ට එම පුහුණු ලබාදීමට නොහැකි වූ බවයි.
ඒ අනුව එම ගුරුවරුන්ට එක සහ හය ශ්රේණියේ පාසල් වාර ආරම්භවීමට පෙර එම කටයුතු සිදු කිරීමට බලාපොරොත්තු වන බවත් ඇය මෙහිදී පැවසූවාය.