සැන් ෆ්රැන්සිස්කෝ හි පැවති ආසියා පැසිෆික් ආර්ථික සහයෝගීතාවයට සමගාමීව බදාදා (15) චීන ජනාධිපති ෂී ජින්පින්ග් හමුවීමෙන් පසු “හොඳයි, බලන්න, ඔහු තමයි. ඔහු ඒකාධිපතියෙක්, එනම් ඔහු අපේ රටට වඩා සම්පූර්ණයෙන්ම වෙනස් පාලන ක්‍රමයක් මත පදනම් වූ කොමියුනිස්ට් රටක් වන රටක් පාලනය කරන පුද්ගලයෙක්” ඇමරිකානු ජනාධිපත් ජෝ බයිඩන් පැවසීය.
චීන -ඇමරිකා සබඳතා තවමත් කොතරම් දුෂ්කරද යන්න පෙන්නුම් කරන ලකුණක් ලෙස, බයිඩෙන් මහතා වේදිකාවෙන් පිටව යද්දී, වාර්තාකරුවෙකුගේ ප්‍රශ්නයකට ප්‍රතිචාර දක්වමින් ඔහු මෙම ප්‍රකාශය කර ඇත.
බයිඩ්න් ජනාධිපතිවරයා ජුනි මාසයේදී ද මෙවැනිම ප්‍රකාශයක් කළ අතර, චීන නිලධාරීන් කෝපයෙන් ඊට ප්‍රතිචාර දක්වමින් එම ප්‍රකාශය “අතිශයින්ම විකාරරූපී සහ වගකීම් විරහිත” ප්‍රකාශයක් බවට සඳහනක් කළේය.
ආසියා-පැසිෆික් ආර්ථික සහයෝගිතා සමුළුවට සමගාමීව පැවති මෙම හමුව සම්බන්ධයෙන් බොහෝ අපේක්ෂා පැවතිය ද, එකී හමුවෙන් පසු දෙපාර්ශවයේම නිලධාරීන්ගේ කිසියම් ප්‍රධාන ඉදිරි ගමනක් පිළිබඳ වූ අපේක්ෂාවන් පහත හෙළාන ලද බවක් නිරීක්ෂණය වේ