හෝමූස් සමුද්ර සන්ධිය ජාත්යන්තර ජල මාර්ගයක් වන අතර, එය හරහා යාත්රා කිරීමට අවසර අවශ්ය නොවන බව ඉන්දීය රජය කළ ප්රකාශයත් සමග ගල්ෆ් යුද්ධය තව දුරටත් ඉහළ යමින් පවතී .
මැදපෙරදිග යුද්ධය මධ්යයේ ඉන්දියානු ඉන්ධන ප්රවාහන නෞකා කිහිපයක් හෝමූස් සමුද්ර සන්ධිය තරණය කර ඇති අතර ඒ සමගම ඉරානයට එම ජල තීරය අවහිර කිරීමට අයිතියක් නැතිබවට වන මතය ලෝපුරා පැතිර යමින් පවතී .
වරාය, නාවික සහ ජල මාර්ග අමාත්යාංශයේ විශේෂ ලේකම් රාජේෂ් කුමාර් සිං, ඉන්දියාව ටෙහෙරානය සමඟ ගිවිසුමකට එළඹීමෙන් පසු ඉන්දියානු නෞකා සමුද්ර සන්ධිය තරණය කළ බවට වන මතය ප්රතික්ෂේප කළේය.
“හෝමූස් සමුද්ර සන්ධිය හරහා යාත්රා කිරීමට කිසිදු අවසරයක් අවශ්ය නොවේ සමුද්ර සන්ධිය හරහා යාත්රා කිරීමට නිදහස තිබේ. සමුද්ර සන්ධිය පටු බැවින්, ඇතුල්වීමේ සහ පිටවීමේ මංතීරු පමණක් සලකුණු කර ඇති අතර, ඒවා නැව් මාර්ග අනුගමනය කළ යුතුය,” රාජේෂ් කුමාර් සිං වැඩි දුරටත් පැවසීය .