ආසියානු කුසලාන ක්‍රිකට් තරගාවලියේ සුපිරි සිව් දෙනාගේ වටයේ ශ්‍රී ලංකාව සහභාගි වන පළමු තරගය අද (09) කොළඹ ආර්. ප්‍රේමදාස ජාත්‍යන්තර ක්‍රිකට් ක්‍රීඩාංගනයේ දී බංග්ලාදේශ කණ්ඩායම සමග පැවැත්වීමට නියමිතය.
පසුගිය දින කීපය තුළ කොළඹ ඇතුළු දිවයිනේ ප්‍රදේශ රැසකට ම තද වැසි සහිත කාලගුණ තත්ත්වයක් පැවැතීම හේතුකොට ගෙන අද තරගයට වර්ෂාවෙන් බාධා එල්ල වෙතැයි මත පළ වී ඇත.
නමුත් අන්තර්ජාල කාලගුණ වාර්තා පෙන්වා දෙන පරිදි අද දිනයේ දී ආර්. ප්‍රේමදාස ජාත්‍යන්තර ක්‍රිකට් ක්‍රීඩාංගනය පිහිටි ප්‍රදේශයට වැසි ඇතිවීමේ සම්භාවිතාව 29%ක් වන අතර අහස වළාකුලින් බර තත්ත්වක් පැවතීමට නියමිත වේ.
මේ අතර තරගය ආරම්භ වීමට නියමිත පස්වරු 3.00 සිට තරගය අවසන් විය හැකි යයි අනුමාන කළ හැකි කාලය තුළ වැසි ඇතිවීමේ ස්වභාවයක් පෙන්නුම් කරන්නේ නොකරන බව වාර්තා වේ.