තමා අද හෝ හෙට මරාදැමිය හැකි බවත් එසේ වුවහොත් එහි වගකීම විධයකය විසින් බාරගතයුතු බවත් ක්‍රීඩා අමාත්‍ය රොෂාන් රණසිංහ පාර්ලිමේන්තුවේදී අද පැවසීය .
සිය ප්‍රකාශය තුළදී අමාත්‍යවරයා ජනාධිපති උපදේශක සාගල රත්නායකටද ඇඟිල්ල දිගු කළේය. “කවුද මේ සාගල රත්නායක.. සාගලට වාහන පෙරහැරක් දෙන්නේ එයාගේ ආරක්‍ෂාව තහවුරු කරන්න. ඒත් මට කැබිනට් ඇමැතිකමට කිසිම ආරක්‍ෂාවක් සලසන්නේ නැහැ.” ඔහු පැවසීය
තම ජීවිතය අනතුරේ පවතින බවට නාමල් රාජපක්ෂ මන්ත්‍රීවරයා අනතුරු අඟවා ඇති බවද අමාත්‍යවරයා පැවසීය. “නාමල් මන්ත්‍රීතුමා මට කිව්වා වික්‍රමසිංහ ජනාධිපතිතුමා සර්පයෙක් වගේ නිසා ඉක්මනින් මගෙන් පළිගන්නවා පරිස්සම් වෙන්න කියලා.”
කෙසේ වෙතත්, එම ප්‍රකාශය ප්‍රතික්ෂේප කළ නාමල් රාජපක්ෂ මන්ත්‍රීවරයා කියා සිටියේ පාර්ලිමේන්තු මන්ත්‍රීවරුන්ට පාර්ලිමේන්තු වරප්‍රසාද භාවිතා කර එවැනි දේ ප්‍රකාශ කිරීමට ඉඩ නොදිය යුතු බවයි. ඊට ප්‍රතිචාර දක්වමින් අමාත්‍යවරයා කියා සිටියේ එම පණිවිඩය රාජපක්ෂ මන්ත්‍රීවරයා විසින් තුන්වන පාර්ශවයක් හරහා තමා වෙත එවූ බවයි.
“රනිල් වික්‍රමසිංහ ජනාධිපතිතුමා මට චෝදනා කළා අධිකරණයට අපහාස කළා කියලා. ඒත් මම කිව්වේ එක අධිකරණ නිලධාරියෙක් ගැන විතරයි. ඊට පස්සේ කණ්ඩායමක් එව්වා මගේ සියලුම සමාගම් වැටලීමට. වාහන එකලස් කළා කියලා මට චෝදනා එල්ල වෙලා තියෙනවා. කෙනෙකුට අවශ්‍ය නම් පරීක්‍ෂණ කරන්න පුළුවන්, මගේ කර්මාන්තශාලාවල යතුරු භාර දෙන්න මම සූදානම්.
මගේ පියා දිවංගත ගාමිණී දිසානායක ඇමැතිතුමා සමඟ දේශපාලනය කළා. එතුමාගේ ප්‍රචාරක කටයුතුවලට වියදම් කරන්න අපේ දේපළ විකුණන්න වුණා. මට රැකියාවක් සොයා ගැනීමට ජපානයට යාමට සිදු විය. අම්මා මට සල්ලි ටිකක් දුන්නා. මට මහන්සි වෙන්න වුණාට රටවල් කීපයක ව්‍යාපාර පහක් ඇති කරන්න මට පුළුවන් වුණා. මම කිසි දිනක නීතිවිරෝධී ක්‍රියාවල නිරත වී නැහැ.
ශ්‍රී ලංකා ක්‍රිකට් ආයතනය රුපියල් කෝටි 100ක මුදලක් වියදම් කර ඇති බවට එල්ල වූ චෝදනාවක් සම්බන්ධයෙන් තොරතුරු හෙළි වෙමින් ඇති බවත් රුපියල් මිලියන 9.7ක් ඇස්තමේන්තු කර ඇති LED තිරයක් මිලදී ගැනීමට මිලියන 234ක් වියදම් කර ඇතිබවත් ඔහු පැවසීය
“ඊළඟ ජනාධිපතිවරණයෙන් පසුව ක්‍රිකට් ක්‍රීඩාවට අදාළ ප්‍රශ්නය විසඳනවා” යැයි ඔහු කියා සිටියේ එය කඩිමුඩියේ විසඳිය නොහැකි බවයි.