සෞඛ්ය අමාත්යාංශය යටතේ දැනට පාලනය වන හෙද විද්යාල විශ්වවිද්යාලයක් බවට පරිවර්තනය කිරීම සම්බන්ධයෙන් ඉදිරිපත් වූ යෝජනාවට ප්රතිපත්තිමය වශයෙන් අනුමැතිය හිමි වී ඇති බව වාර්තා වේ.
2023-03-01 දින එම යෝජනාව අධ්යයනය කර අමාත්ය මණ්ඩලය වෙත වාර්තාවක් ඉදිරිපත් කිරීම පිණිස නිලධාරි කමිටුවක් පත් කිරීමට, එදින අමාත්ය මණ්ඩල රැස්වීමේදී තීරණය කරන කළේය.
ඒ අනුව එකී නිලධාරි කමිටුව විසින් ඉදිරිපත් කරන ලද නිර්දේශ සැලකිල්ලට ගෙන, ශ්රී ලංකා ජාතික හෙද විශ්වවිද්යාලය ස්ථාපිත කිරීම සඳහා ප්රතිපත්තිමය වශයෙන් අනුමැතිය ලබා දීමටත්, ඒ සඳහා පනත් කෙටුම්පතක් සකස් කිරීමටත් වැඩබලන අධ්යාපන අමාත්ය වශයෙන් ප්රවාහන හා මහාමාර්ග අමාත්යතුමා සහ සෞඛ්ය අමාත්යතුමා විසින් ඉදිරිපත් කරන ලද ඒකාබද්ධ යෝජනාව අමාත්ය මණ්ඩලය විසින් අනුමත කරන ලදී.