වර්ෂා සමයේ වසංගත රෝග පැතිරීම ඉහළට

මේ දිනවල ඇද හැලෙන වර්ෂාවත් සමඟ වසංගත රෝග ඉහළ යමින් පවතින බව සෞඛ්‍ය අංශ සඳහන් කරයි.

ඒ, අනුව ඩෙංගු, ඉන්ෆ්ලුවෙන්සා, පාචනය සහ මී උණ වැනි වසංගත රෝග පැතිර යන බවයි සෞඛ්‍ය අංශ වැඩිදුරටත් පවසයි.

ඩෙංගු වසංගත තත්වයක් දක්වා වර්ධනය වී ඇති බව සඳහන් කළ සෞඛ්‍ය අංශ පෙන්වා දෙන්නේ ගම්පහ, කොළඹ සහ ත්‍රිකුණාමලය දිස්ත්‍රික්කවල ඩෙංගු රෝගීන්ගේ ඝීඝ්‍ර වර්ධනයක් දක්නට ලැබෙන බවයි.

එමෙන්ම පාචන රෝගයන් අරක්ෂාවීම සඳහා ආහාරපාන ගැනීමේදී සැළකිලිමත් වන ලෙස මහජනතාවට දැනුම් දෙනවා.

ඉන්ෆ්ලුවෙන්සා තත්ත්වය ද වසංගත තත්ත්වයක් දක්වා පැතිර යන බැවින් එය පාලනය සඳහා ද හැකි සෑම අවස්ථාවකම මුව ආවරණය පැළඳීම ඉතාම වැදගත් බව සෞඛ්‍ය අංශ පෙන්වා දෙයි.

මේ අතර මී උණ රෝගීන් වාර්තා වීම ද ඉහළ මට්ටමක පවතින බව සඳහන් කරන සෞඛ්‍ය අංශ වසරේ මේ දක්වා කාලය තුළ මී උණ රෝගීන් 2600 ක් පමණ වාර්තා වී ඇති බව පවසයි.

Leave a Comment

ඔබගේ ඊමේල් ලිපිනය ප්‍රසිද්ධ කරන්නේ නැත. අත්‍යාවශ්‍යයය ක්ෂේත්‍ර සලකුණු කොට ඇත *