වසර 2030 වනවිට ශ්‍රී ලංකාව හා ඉන්දියාව අතර විදුලිබල ජාල ඒකබද්ධ කිරීමට අවශ්‍ය ප්‍රමුඛත්වය ලබදීමට රජය තීරණය කර තිබේ.
විදුලිබල හා බලශක්ති අමාත්‍යාංශය පැවසුවේ, ව්‍යාපෘතිය ක්‍රියාත්මක කිරීමට අවශ්‍ය තාක්ෂණික අවබෝධය සහ ව්‍යපාරික රාමුව සකස් කිරීමට අවශ්‍ය සහය ලෝක බැංකුව විදුලිබල මණ්ඩලයට ලබා දෙමින් පවතින බවයි.
ලෝක බැංකුවේ කලාපීය ජාලගත කිරීමේ වැඩපිළිවෙළේ අධ්‍යක්ෂ සෙසිල් ෆෘමන් සහ ලෝක බැංකුවේ මෙරට කළමණාකරු චියෝ කන්ඩා සමග මේ සම්බන්ධයෙන් ඊයේ (06) මෙරට බලධාරින් සමග සාකච්ඡා කර ඇත.
දශක දෙකකට වැඩි කාලයක් පුරා සාකච්ඡාවූ කලාපීය බලශක්ති ජාල ගත කිරීමේ වැඩපිළිවෙල කඩිනමින් කරමින් මෙම ව්‍යාපෘතිය 2023 වර්ෂයේ දී සැලසුම් කිරීමට නියමිතය.