2023 ලෝක කුසලාන එක්දින ක්‍රිකට් තරගාවලියේ ශ්‍රී ලංකා කණ්ඩායම හා එංගලන්ත කණ්ඩායම අතර පැවති මූලික වටයේ 25 වන තරගයෙන් කඩුලු 8 ක විශිෂ්ට ජයක් ලබා ගැනීමට ශ්‍රී ලංකා කණ්ඩායම සමත් විය . මෙම ජයග්‍රහණයත් සමග ශ්‍රී ලංකා පිල ලකුණු සටහනේ පස් වෙනි තැන දක්වා ඉහළ නැග ඇති අතර, ඉන්දියාව, දකුණු අප්‍රිකාව, නවසීලන්තය සහ ඕස්ට්‍රේලියාව පිළිවෙමින් 1,2,3,4 ස්ථානවල රැඳී සිටී .
තරගයේ කාසියේ වාසිය දිනාගත් එංගලන්ත කණ්ඩායම පළමුවෙන් පන්දුවට පහරදීමට තීරණය කළ අතර ඔවුන් පන්දුවාර 33 ක් තුළ සියලු දෙනා දැවී ලබා ගත්තේ ලකුණු 156 ක් පමණි .
පන්දුවට පහරදීමේදී එංගලන්ත කණ්ඩායම වෙනුවෙන් Ben Stokes ලකුණු 43 ක් හා Jonny Bairstow ලකුණු 30 ක් ලබා ගැනීමට සමත් විය. පන්දු යැවීමේදී ශ්‍රී ලංකා කණ්ඩායම වෙනුවෙන් ළහිරු කුමාර කඩුලු 3 ක්, ඇන්ජලෝ මැතිව්ස් හා කසුන් රාජිත කඩුලු 2 බැඟින් හා මහීෂ් තීක්ෂණ එක් කඩුල්ලක් බිඳ හෙළීමට සමත් වුණා.
පිළිතුරු ඉනිම ක්‍රීඩා කළ ශ්‍රී ලංකා කණ්ඩායම 26 වන පන්දුවාරය තුළ කඩුලු 2 ක් දැවී සිටියදී සිය ජයග්‍රාහී ඉලක්කය පසුකර ගියා. පන්දුවට පහරදීමේදී නොදැවී පන්දුවට පහරදුන් පැතුම් නිස්සංක ලකුණු 77 ක් හා සධීර සමරවික්‍රම ලකුණු 65 ක් ලබා ගැනීමට සමත් විය .
පන්දු යැවීමේදී ශ්‍රී ලංකා පිලේ බිඳවැටුන කඩුළු දෙකම David Willey විසින් ලබාගන්නා ලදි.