සමෘද්ධි සහ මහජන ආධාර ලබාදීම සඳහා වන ‘අස්වැසුම’ සුබසාධකදීමනා ගෙවීමට තෝරාගෙන ඇති සුදුසුකම් ලාභීන්ගේ ලැයිස්තුව අද (20) දිනයේ ප්රසිද්ධියට පත් කිරීමට නියමිතව ඇති බව වාර්තා වේ.
www.wbb.gov.lk යන වෙබ් අඩවියට පිවිසි අදාළ නම ලේඛනය සිංහල සහ දෙමළ යන භාෂා ද්විත්වයෙන්ම ලබාගත හැකි බව සුබසාධක ප්රතිලාභ මණ්ඩලය සඳහන් කරයි.
මෙම ප්රතිලාභ ලැයිස්තුව සඳහා අභියාචනා ඉදිරිපත් කිරීමට ද, 1924 යන දුරකථන අංකය අමතා විරෝධතා සහ හිමිකම්පෑම සඳහා උපදෙස් ලබාගැනීමේ හැකියාව ද පවතින බව එම මණ්ඩලය ප්රකාශ කරයි.
එමෙන්ම, මෙම නාම ලේඛනයන් ප්රාදේශීය ලේකම් කොට්ඨාශවල සහ ගම්මට්ටමේ රජයේ කාර්යාලවල ප්රසිද්ධියට පත් කිරීමට නියමිතව තිබේ.