ශ්‍රී ලංකාවේ පමණක් නොව ලෝක ක්‍රිකට් ලොලීන් අතර ජනප්‍රිය ක්‍රිඩකයෙකු වල ලසිත් මාලිංග ක්‍රිකට් ගැන වගේම ක්‍රිඩකයෙක් විදිහට තමන් ගැනත් මාධ්‍යයට කතා කරලා තිබුණේ මෙලෙසිනි.

රත්ගම කිව්වාම සමහරුන්ගේ මුහුණු හැකිළෙනවා. රත්ගම ඉපදුණු ඔබට රත්ගම දැනෙන්නේ කොහොමද?

රත්ගම ඉපදුණු හැම කෙනාටම වගේම මටත් තියෙන්නේ ආඩම්බරයක්. කොහේ ඉපදුණත් ඒ හැඟීම ඇති. හැබැයි රත්ගම ඉපදීම ගැන ආඩම්බර වෙන්නේ කෙළින් කතා කරන්න, ඇත්ත කතා කරන්න පුංචි කාලේදීම සමාජය තේරුම් ගන්න මට මගේ ගම පාසලක් වුණා. රත්ගම කිව්වාම හැකිළෙන්නේ රත්ගමට උපන් චණ්ඩිකමක් තියෙන නිසා. අපේ ගමේ ඉන්නේ ඇත්තම කතා කරන, ඇත්ත වෙනුවෙන් මැරෙන්න හරි පුළුවන් මිනිස්සු. ඒ ගමේ ගති මටත් තියෙනවා. කවුරු සතුටු වුණත් නැතත් කාට රිදුණත් නැතත් මම කියන දේ කෙළින් කියනවා. ඇත්ත කියන දේ හරි ලස්සනට කියන්න අමාරුයි. බොරු කියන දේ හොඳට කැටයම් දාලා කියන්න පුළුවන්. ඒ නිසා ඇත්ත කියන කොට ගොඩාක් අය බයයි. ඒ අයට රිදෙනවා කරන්න දෙයක් නෑ. ගමේ ගති. ඒ ගැන මම ආඩම්බරයි.

ලසිත් මාලිංගට ක්‍රිකට් ගහන ඇල්ම ඇති වෙන්නේ කොහොමද?

බලා ඉඳලා. ලොකු අය සෙල්ලම් කරනවා බලා ඉඳලා ශිෂ්‍යත්ව කරන කාලේම පටන් ගත්තා. මේ ජාතික කණ්ඩායමට එන්න නෙමෙයි. සැහැල්ලුවට සැහැල්ලු පන්දු ගැහැව්වේ. ඒත් මගේ පන්දු යැවීමේ රටාව මේකම තමයි. ඉතින් පුංචි කාලේම පුංචි වීරයෙක් බෝල ගහනකොට.

එතකොට ‘ලෙදර්’ ක්‍රිකට් වලට එන්නේ?

අහම්බෙන්. අවුරුදු දාහතත් පහුවෙලා මම ලෙදර් ගහන්න ගත්තේ. මම හොඳට ඉගෙන ගත්තා. සාමාන්‍ය පෙළ ‘ඩී’ අටම ගත්තා. උසස්පෙළට ගණිතය කළේ. විද්‍යා ලෝක විද්‍යාලයේ ලෙදර් ක්‍රිකට් ගහන්න ගියත් මාව තෝරාගත්තේ නෑ. ලෙදර් නොගැහැව්වාට පුටුවක් විකට් එක කරගෙන ටෙනිස් ගැහැව්වා විවේක කාලයේදී. ඉතින් විකට් ගන්න මැෂිමක් මං ඒ කාලෙත්. ඔහෝම ඉන්න කොට දවසක් මගේ පන්තියට ආපු ක්‍රිකට් භාර ගුරුවරයා කිව්වා, අවුරුදු 17න් පහළ පාසල් තරගයට යන්න එක ළමයෙක් අඩුයි, ඇවිල්ලා නෑ, මං දැකලා තියෙනවා ඔයා ටෙනිස් බෝල කරනවා හොඳට, යමුද කියලා. මම ඒ වෙනකොට ලෙදර් බෝලය අල්ලලාවත් නෑ. ඉතින් මමත් ගියා. මම ඒ තරගයෙන් කඩුලු 14ක් ගත්තා. ඒ තරගයේ විනිසුරු වශයෙන් කටයුතු කළේ ගාල්ල මහින්ද විද්‍යාලයේ පුහුණුකරු කීර්ති වර්ණප්‍රිය මහත්තයා. ඔහු අපේ සර් කෙනකුට පණිවුඩයක් එවලා තිබුණා. මට හොඳ අනාගතයක් තියෙනවා. එයා කැමතියි මහින්ද විද්‍යාලයට ගන්න කියලා. එදා රෑම ඔය යෝජනාව අපේ ගෙදරටත් ආවා. අම්මලා කැමති වුණා මහින්දෙට දාන්න. මම ඉන්නේත් ජාතික පාසලක නිසා ගණිතය විෂයන් දෙකම තියෙන නිසා ජාතික පාසලකින් තව ජාතික පාසලකට යන්න තියෙන අපහසුව නිසා මම අකමැත්තෙන් ගණිතය අංශය අතඇරලා ඇග්‍රිකල්චර් තෝරා ගත්තා. මම මහින්දෙට ගියා. ඒ ක්‍රිකට් වෙනුවෙන්. ඉතින් ක්‍රිකට් වෙනුවෙන් මට අධ්‍යාපනය නතර කරන්න වුණා. අදත් ඒ ගැන දුකක් නැහැ. සතුටක් තියෙන්නේ. හැබැයි ඉගෙන ගත්තා නම් ඉගෙනීමෙනුත් ඉහළට යන්න පුළුවන් ඔලුවක් මට තිබුණා.

ගාල්ලෙන් කොළඹට එන ගමන හැදෙන්නේ ඉන් අනතුරුව?

ඔව් මහින්දෙට ගිහින් මාස අටක් යනකොට කොළඹට ආවා. මම වේගයෙන් වර්ධනය වුණා. ක්‍රීඩකයෙක් ලෙදර් බෝලය අල්ලලාවත් නැති තරගයකට ගිය මම බලා ඉද්දී දක්‍ෂයෙක් වුණා. කොළඹට ආවාට දහනවයෙන් පහළ ක්‍රීඩා කරන්න පුළුවන් වුණේ නෑ. ක්ලබ් තරග ගැහැව්වා. මම ගහපු හැම තරගයකම කඩුලු ගත්තා. ඔය අතරේ ක්ලබ් ගහනකොට චම්පක රාමනායක හමුවුණා. ඔහු ඔහුගේ තැන මට දුන්නා. මම හොඳට විකට් ගන්නකොට ඔහු ක්ලබ් පිලේ ඔහුට හිමි තැන මට දීලා අයින් වුණා. ඔහු නොවෙන්න අද ලසිත් මාලිංග කෙනෙක් නෑ. පසුව මගේ පුහුණුකරු වුණේත් ඔහුමයි.

ක්‍රිකට් ක්‍රීඩකයෙක් වෙන එක ලේසිද මාලිංග?

ලේසියි. හැබැයි ජාතික කණ්ඩායමට එන්න අමාරුයි.

ජාතික කණ්ඩායමට එන්න ඕනෑ දක්‍ෂතාව විතරමද?

හොඳ ප්‍රශ්නයක්. ජාතික කණ්ඩායමේ ඉන්න නිසා උත්තර නොදී ඉන්නම්. වෙන දෙයක් කියන්නම් ජාතික කණ්ඩායමට ආවාට රැඳෙන්න නම් දක්‍ෂයෙක් වෙන්නම ඕනෑ.

ඔබ දක්‍ෂතාවෙන්ම ආ ගමනක්ද මේ?

ඔව්. ක්ලබ් තරග ගහනකොට මම හොඳට කඩුලු ගත්තා. ඒ නිසා මට ජාතික කණ්ඩායමට එන්න පුළුවන් වුණා. ඒ හැම තරගයකින්මත් මම හොඳට කඩුලු ගත්තා. මට කළ හැකි උපරිමය මම රට වෙනුවෙන් කළා. මට තරගයක් තනිව හරි දිනවන්න පුළුවන් ක්‍රීඩකයෙක් කියන විශ්වාසය මට තියෙනවා. මම ඒක ඔප්පු කරලා තියෙනවා.

හැබැයි ඔබ කණ්ඩායම ඇතුළේ හුදෙකලා සලකුණක් නේද?

එහෙම පේනවාද? (හිනා) මට මගේ උපරිමය කරනවා. තනිව හරි තරගය ජයගන්න ඕනෑ කියන තැන මම ඉන්නවා. ලණුව පැනලා පිටියට ගියාම අපිට වෙනස් මත නෑ. තරගය දිනන මතය හැර. ඒ තැන මාත් ඉන්නවා.

මාලිංග දිගට හරහට විවේචනය කළා ඒ ඇයි?

ඒ අය (මාධ්‍ය) බලාපොරොත්තුවන කෙනෙක් බවට මට පත් වෙන්න බැරි වුණ හින්දයි එහෙම වුණේ. මාධ්‍ය බලාපොරොත්තු වෙනවා හැමෝම ඒ අය කියන විදියට, ඒ අය හිතන විදියට ඉන්න ඕනෑ කියලා. ඒ ඉරෙන් පනිනවා නම් පන්න පන්නා ගහනවා. මට වුණේත් ඒක. එහෙම ගහන ගමන් මට කිව්වා, මාව හැදුවේ මාධ්‍ය කියලා. මම කිව්වා, අපරාදෙනේ මාව විතරක් හැදුවේ, තව මම වගේ දහයක් හැදුවා නම් ගොඩ නේ කියලා. ඔන්න ඉතින් පරල වුණා. මම කියන දේ කියනවා. මාධ්‍යයට ක්‍රිකට් ක්‍රීඩකයෙක් හදන්න බෑ. හැදුණු ක්‍රිකට් ක්‍රීඩකයෙක්ව උඩ දාලා ඒ අයටත් බැබලෙන්න පුළුවන්. මම ක්‍රිකට් ක්‍රීඩකයෙක් වුණේ මගේ දක්‍ෂතාවට. මම විකට් ගත්තේ මගේ හැකියාවට. ඉතින් මාධ්‍ය තමයි මාව හැදුවේ කිව්වාම මම මොනවද නොකියා ඉන්න ඕනෑ.

මාලිංගට වැරදුණේ කොතැනද?

සිංහයා ඉඹින්න බැරි වුණ එක. මම විකට් අරගෙන සිංහයා ඉඹ ඉඹ හිටියා නම් මම මේ රටේ වීරයෙක්. එහෙනම් හරි ෂෝක්. එහෙම බොරු කරන්න මම ඉගෙන ගත්තේ නෑ. මට ඕනෑ වුණේ ඊයේ විකට් දෙකක් ගත්තා නම් අද හතරක් ගන්න. ඉතින් මාධ්‍යයට ඇවිත් අමුතු මූණක් දාගෙන ඉන්න මට වුවමනාවක් නෑ. පිට්ටනියෙත් ඉන් පිටතත් මේ මූණම තමයි මට තියෙන්නේ.

ඔබ විතරයි, ” ඔව්! මම සල්ලිවලට ක්‍රිකට් ගහන්නේ කිව්වේ” ?

ඔව්, ඒක අදත් කියනවා. රට වෙනුවෙන් කියලා බොරු කතා කියන්න මට බෑ. ජාතික කණ්ඩායම රට වෙනුවෙන් තමයි ක්‍රීඩා කරන්නේ. ඒත් අපි වෘත්තිකයෝ. මේක මගේ රස්සාව. උදේ ඉඳලා හවස් වෙනකම් පුහුණු වෙන්නේ රස්සාවට. මට ගෙවන්නේ ක්‍රීඩා කරනවාට. අපි හොයලා දීලායි වැටුපක් ලබන්නේ. අනෙක් හැම ක්‍රීඩකයාටම දෙන වැටුප තමයි මටත් දුන්නේ. හැබැයි කතා වුණේ මාලිංග සල්ලිවලට බෝල ගහනවා කියලා. එතකොට අනෙක් අය නිකංද ගහන්නේ. මට මේ අයට වඩා ශත පහක්වත් හම්බවුණේ නැහැ. ඒ වුණාට මම විතරයි සල්ලි වලට ගහලා තියෙන්නේ. මේක රස්සාවක්. ඉන්නකම් හොඳට රස්සාව කරනවා. එක අවංකව කරනවා. මේකෙන් අයින් වුණාම අපිට පැන්ෂන් නෑ. තව කට්ටියක් මේ රස්සාව කරයි. ඉතින් අපි ඊළඟට ජීවත් වෙන්න සෙල්ලම් කරන කාලේ හොඳට හම්බ කරගන්න ඕනෑ. එක එක ලකුණකට මෙච්චරයි කියලා කාමර වල ඉඳලා ගණන් හදන්න නරකයි. ඔය එක ලකුණ ගන්න අවුරුදු ගාණක් දාඩිය වගුරලා පුහුණු වෙලා තියෙනවා. පවුල් ජිවිත අතඇරලා කැප වෙලා තියෙනවා. මේක මම වගේ හැමෝම ඇත්ත කතා කළා නම් අද මේක වෘත්තියක් විදියට මීට වඩා සාර්ථකයි. මම අද කියන ඒවා ඉදිරියේදී ඇත්ත වෙයි.

ඔබ මෝස්තරකාරයෙක්?

ඔව්! හැබැයි බාහිරින් විතරයි. මමත් පාසල් යනකම් තෙල් ගාලා කොණ්ඬේ පැත්තට පීරුවා. පාසලින් අයින් වුණාම තරුණයෙක් විදියට මට හිතුණා කාටවත් කරදයක් නොවන විදියට මෝස්තර කරන්න. මම කළා. එහෙම කොණ්ඩය පාට කරලා කරාබු දාලා බටහිර ඉන්දීය සංචාරයට ගියාම ඔවුන් මාව ඒ අයගේ කෙනෙක් වගේ බාර ගත්තා. හැබැයි මම හොඳට විකට් ගත්තා. ඒත් මෙහේ ගොඩාක් අය මගේ කොණ්ඬේ එල්ලුණා. මම කියන්නේ මම දක්‍ෂ ද නැද්ද බලන්න, මගේ කොණ්ඩය ගැන හොයන්න එපා. කොණ්ඬේ වවාගෙන පාට කරලා කරාබු දාලා ක්‍රිකට් ගහන්න බෑ කියලා කෙහේවත් නෑ. ඒ වගේම එහෙම කළා කියලා විකට් ගන්න පුළුවන් කමකුත් නෑ. මුලින් කිව්වා මගේ මම මෝස්තර කරනවා. ඒක කාටවත් හානියක් නෑ. ඒකෙන් රටේ සංස්කෘතිය විනාශ වෙනවා කියනවා නම් මම දන්නේ නෑ මේ රටේ සංස්කෘතිය කියන්නේ මොකක්ද කියලා. කොහොම වුණත් මම බාහිරින් මෝස්තර කළාට ඇඟ ඇතුළෙන් බොරුවට එළියට පෙන්නන මෝස්තරකාරයෙක් නෙමෙයි. මගේ මෝස්තරය කියන්නේත් මටම තමයි.

මාලිංගට අනුව මහත්වරුන්ගේ ක්‍රීඩාව කියන්නේ මොකකටද?

මම දන්න, මට තේරෙන විදියට මහත්වරුන්ගේ ක්‍රීඩාව කියන්නේ පිටිය තුළ විනයක් ඇතිව ක්‍රීඩා කිරීමයි. මගේ ක්‍රිකට් දිවිය තුළ අදටත් මම අයි.සී.සී එකේ චෝදනාවකට ලක් වෙලා නෑ නීති විරෝධි කටයුත්තක් කළා කියලා. එහෙනම් මම ක්‍රිකට් මහත්තයෙක් නෙවෙයිද? ක්‍රීඩාව තුළ විනය රැක ගැනීමයි මහත්මා ගතිය. මම ඒක රැකලා තියෙනවා. රකිනවා. එහෙම නැතිව මහත්මයෙක් වගේ බොරු රඟපෑම් කරන්නේ නෑ. මේ හැම දේම දේවල් නොදැන ලියන මාධ්‍ය මහත්වරු හින්දා ඇති වෙච්ච දේවල්.

ඔබ මාධ්‍ය එක්ක තරහද?

තරහකුත් නෑ, යාළුකමකුත් නෑ. හැබැයි මම කියන්නේ පොත්ත අත ගාලා අරටුව ගැන කියන්න එපා කියලා විතරයි. මම වෙන්න ඇති ලෝක ක්‍රිකට් ඉතිහාසයේම මේ තරම් බැණුම් අහන්නේ. ඒත් මම ක්‍රිකට් ක්‍රීඩකයෙක් විදියට කරලා තියෙන දේත් ගොඩයි. විස්සයි විස්ස ලෝක ශූරතාව දිනන්න නායකත්වය දැරුවේ මම. එක්දින කඩුලු 397ක් ලබාගෙන තියෙනවා. ටෙස්ට් වල කඩුලු සියයක් ලබාගත්ත හතර දෙනාගෙන් කෙනෙක් මම. විස්සයි විස්ස ලෝක වාර්තා හතරක් මගේ නමට තියෙනවා. ඒ මේ රට ජයග්‍රහණය කළ තරග වලදී ගත්ත ඒවා. මම අදටත් අයිපීඑල් වල එකම කණ්ඩායම නියෝජනය කරන එකම කෙනා. බිග් බෑෂ් ගියත්, බංග්ලාදේශ ගියත් මාව ගන්නවා.  ඒ හැම තැනම එක විදියට මට සාධාරණය කරනවා. කාට සෙල්ලම් කළත් එතැනදී මම අවංකයි. සමහරු කියනවා ‘මම අයිපීඑල් හොඳට ගහනවා’ වගේ කතා. මේ කතා ඇහුවාම මට හිනා යනවා. රටට හොඳට සෙල්ලම් කළ නිසා තමයි මේ හැමෝම මාව ගන්නේ.

මාලිංග දැන් සල්ලිකාරයෙක්ද?

ඔව් සල්ලිකාරයෙක්.

ක්‍රිකට් නැති වුණාට පස්සේ?

ඒත් ඔලුව කෙළින් කරගෙන ඉන්න පුළුවන් පදනම මට තියෙනවා.

ක්‍රීඩකයෝ සුරා සූදුවෙන් තොරද?

අනෙක් අය ගැන කතා නොකර මම ගැන කියන්නම්. විශ්වාස කරන එකක් නෑ. මම මේ වනතුරු ෂැම්පේන් එකක් වත් බීලා නෑ. බීම කියන එක මගේ හිතකවත් නෑ. බීමට විරුද්ධත් නෑ. බොන එක බොන අයගේ අයිතියක්.

ක්‍රීඩකයෝ දේශපාලනයට එනවා. මාලිංගත් එයිද පසුකාලීනව?

කවදාවත් නෑ. මම දේශපාලනය වගේ උතුම් දෙයක් කරන්න සුදුසු නෑ. දේශය පාලනය කරන්න මම කවුද? කවදාවත් එන්නේ නෑ.

ඔබ පන්දුවට වැඳලා බෝල දාන්නේ ඇයි?

පන්සල් නොගියාට මම හොඳ බෞද්ධයෙක්. පන්දුවට වඳින්නේ, ඒක තමයි මට මේ තත්ත්වයට එන්න උදව් කළේ. කන්නේ, බොන්නේ, මේ විදියට හොඳ ජිවිතයක් ගෙවන්නේ, ඒ පන්දුව හින්දා. මම මට වඩා ක්‍රිකට් වලට ආදරෙයි. ඒක මාව ජීවත් කරනවා. මොකද ජීවත් වෙන්න අවශ්‍ය හැම සම්පතක්ම මට ලැබුණේ මේ පන්දුවෙන්. ඉතින් ඒකට වැඳීම පවක්ද?

ක්‍ෂේත්‍රයේ කතාවක් තියෙනවා, ඔබ මාපියන්වත් විදෙස් සංචාරවලට රැගෙන යනවා කියලා?

ඔව්! අපි වගේම ඒ අයත් රටක් තොටක් දකින්න ආසයි. මේ මට යමක් කළ හැකි කාලය. ඉතින් මම සෑහෙන රටවල් වලට ඒ අයත් රැගෙන යනවා. මගේ වියදමින් ඒ දේවල් කරන්නේ. ඒ අය සතුටු කිරීම මම කරන්නම ඕනෑ. ලසිත් මාලිංග කෙනෙක් ඇති කළේ ඒ අය.

මොනවා හරි කියන්න කිව්වොත් ඔබ දෙන උපදෙස මොකක්ද කාට හරි?

අනෙක් අයගේ දියුණුව සතුට බලලා සතුටු වෙන්න කිව්වාට එක කරන්න අමාරු දෙයක්. මම කියන්නේ ඒක කරන්න බැරි වෙන්න පුළුවන්. අන් අයට ඉරිසියා නොකර අනුන්ගේ දේවල් හොයන්නේ නැතිව පාඩුවේ ඉන්න කියලායි. ඒකම ලොකු සේවයක්.


Latest News

අද දවසේ සුබ මුහුර්තීන් අද දවසේ සුබ මුහුර්තීන් 2017-06-26 - ඔබ සැමට යහපතක් ම වේවා!...... More detail
කොට්ටාවම හැඩවු තරින්දිගේ ඝාතකයා පොලීසියට භාර වෙයි කොට්ටාවම හැඩවු තරින්දිගේ ඝාතකයා පොලීසියට භාර වෙයි 2017-06-26 - පසුගිය 22 වනදා කොට්ටාව ප්‍රදේශයේ දී සිදු වු ඝාතනය සම්බන්ධයෙන් සැකකරු ඊයේ (25) න... More detail
සයිටම් ගැන GMOA විශේෂ රැස්වීමක් - රජයේ කොන්දේසි හෙට කැබිනට්ටුවට සයිටම් ගැන GMOA විශේෂ රැස්වීමක් - රජයේ කොන්දේසි හෙට කැබිනට්ටුවට 2017-06-26 - සයිටම් පෞද්ගලික වෛද්‍ය විද්‍යාලය සම්බන්ධයෙන් ජනාධිපති ලේකම් කාර්යාලය ඊයේ... More detail
ෆෝඩ්ගේ හදිසි ඉවත් වීම ගැන මහේල - සංගා කියපු කතාව ෆෝඩ්ගේ හදිසි ඉවත් වීම ගැන මහේල - සංගා කියපු කතාව 2017-06-26 - ශ්‍රී ලංකා ක්‍රිකට් කණ්ඩායමේ ප්‍රධාන පුහුණුකාර ධූරයෙන් දකුණු අප්‍රිකානු ... More detail
තැපැල අද මධ්‍යම රාත්‍රියේ සිට වර්ජනයේ තැපැල අද මධ්‍යම රාත්‍රියේ සිට වර්ජනයේ 2017-06-26 - ප්‍රධාන ඉල්ලීම් තුනක් මුල් කරගනිමින් තැපැල් වෘත්තීය සමිති අද (26) මධ්‍යම රාත... More detail
මැදිරි මග හලා උඩරට මැණිකේ ධාවනය වෙයි මැදිරි මග හලා උඩරට මැණිකේ ධාවනය වෙයි 2017-06-26 - කොළඹ කොටුවෙන් ඊයේ (25) පෙරවරු 9.45ට පිටත්ව බදුල්ල බලා ධාවනය වෙමින් තිබූ උඩරට මැණිකේ... More detail
අද දවසේ සුබ මුහුර්තීන් අද දවසේ සුබ මුහුර්තීන් 2017-06-25 - ඔබ සැමට යහපතක් ම වේවා!...... More detail
වෛද්‍ය වර්ජනයෙන් පසු රාජිත කියපු තද කතාව මෙන්න වෛද්‍ය වර්ජනයෙන් පසු රාජිත කියපු තද කතාව මෙන්න 2017-06-25 - ජනාධිපතිවරයාගෙන් ප්‍රකාශයක් ලබාගැනීමට වෛද්‍යවරුන් වැඩවර්ජනයක නිරත වීම ... More detail
රංගනය නිසා මට ලැබුණු හොදම සම්මානය ඔයා - හොදම නිළිය සම්මානය අරන් උමාලි කිව්ව ... රංගනය නිසා මට ලැබුණු හොදම සම්මානය ඔයා - හොදම නිළිය සම්මානය අරන් උමාලි කිව්ව සංවේදී කතාව මෙන්න 2017-06-25 - 13 වැනි රයිගම් ටෙලි සම්මාන උළෙල ඊයේ අති උත්කර්ෂවත් අන්දමින් පැවැත්වුණේ මහින්ද... More detail
ආන්දෝලනාත්මක SAITM ගැන රජයේ ස්ථාවරය අතිවිශේෂ ගැසට් පත්‍රයකින් ආන්දෝලනාත්මක SAITM ගැන රජයේ ස්ථාවරය අතිවිශේෂ ගැසට් පත්‍රයකින් 2017-06-25 - මාලබේ සයිටම් ආයතනයට අදාළව රජය මඟින් පනවා ඇති කොන්දේසි විශේෂ ගැසට් නිවේදනයක්... More detail
පෙම්වතා තරින්දි ඝාතනය කළ හැටි හෙළි වෙයි - සම්පුර්ණ කතාව මෙන්න පෙම්වතා තරින්දි ඝාතනය කළ හැටි හෙළි වෙයි - සම්පුර්ණ කතාව මෙන්න 2017-06-25 - පෙරේදා කොට්ටාවේ නිවසකදී ඝාතනයට ලක්වූ තරින්දි ආලෝකා නමැති 26 හැවිරිදි තරුණියගේ... More detail
අද දවසේ සුබ මුහුර්තීන් අද දවසේ සුබ මුහුර්තීන් 2017-06-25 - ඔබ සැමට යහපතක් ම වේවා!...... More detail
නිවාඩුවට ගිය පුහුණුකරු අස්වෙලා යන්නම යයි නිවාඩුවට ගිය පුහුණුකරු අස්වෙලා යන්නම යයි 2017-06-24 - ශ්‍රී ලංකා ක්‍රිකට් කණ්ඩායමේ ප්‍රධාන පුහුණුකරු ග්‍රැහැම් ෆෝඩ් සිය පුහුණුකරු... More detail
විශේෂ සාකච්ජාවකින් පසු වෛද්‍ය වර්ජනය අවසන් විශේෂ සාකච්ජාවකින් පසු වෛද්‍ය වර්ජනය අවසන් 2017-06-24 - රජයේ වෛද්‍ය නිලධාරීන්ගේ සංගමය සහ ජනාධිපති මෛත්‍රීපාල සිරිසේන අතර පැවති විශේෂ... More detail
ලංකාවේ සුන්දරත්වය ලෝකයට කියන අලුත් වැඩක් ලංකාවේ සුන්දරත්වය ලෝකයට කියන අලුත් වැඩක් 2017-06-24 - සුන්දර ලංකාවේ අසිරිය ලෝකයට විවිධ විදිහට ගෙන යනවා. More detail
රෝගීන් අසරණ කර පෞද්ගලික ප්‍රතිකාර කරද්දී මාට්ටු වු වෛද්‍යවරයා පස්ස නොබලා ද... රෝගීන් අසරණ කර පෞද්ගලික ප්‍රතිකාර කරද්දී මාට්ටු වු වෛද්‍යවරයා පස්ස නොබලා දුවයි - විඩියෝව මෙන්න 2017-06-24 - සයිටම් ආයතනයට විරෝධය පල කරමින් සෞඛ්‍ය අමාත්‍යංශ පරිශ්‍රයට ඇතුළු වූ සරසවි ස... More detail
මම වෘත්තීය නිළියක් නෙවෙයි - බැහැ කියලා හිතුණදාට රංගනයෙන් සමුගන්නවා මම වෘත්තීය නිළියක් නෙවෙයි - බැහැ කියලා හිතුණදාට රංගනයෙන් සමුගන්නවා 2017-06-24 - මේ දිනවල විකාශනය වන පැහැසරා, දෙවැනි ඉනීම ටෙලිනාට්‍ය තුළින් ප්‍රේක්ෂක ආදරණ දිනා... More detail

 

Gossip

Foreign

තම බිළිදාට මව්කිරි දෙමින් පාර්ලිමේන්තුව ඇමතු මන්ත්‍රීවරියක් තම බිළිදාට මව්කිරි දෙමින් පාර්ලිමේන්තුව ඇමතු මන්ත්‍රීවරියක් 2017-06-23 - පාර්ලිමේන්තුව අමතුමින් සිය බිළිදාට මව්කිරි ලබා දෙන සිදුවීමක් පිළිබද විදෙස්... More detail
තුරග තරගය පිටුපස තරුණියගේ ජායාරූපයේ කතාව හෙළිවෙයි තුරග තරගය පිටුපස තරුණියගේ ජායාරූපයේ කතාව හෙළිවෙයි 2017-06-22 - තුරග තරග පිටියයක් පසුපස තරුණයක් සහ තරුණයෙක්  අසභ්‍ය ලෙස ලිංගිකව එක්වන ආකාරය... More detail
Facebook ලයික්ස් වෙනුවෙන් තම දරුවා බිලි දුන් පියෙක් Facebook ලයික්ස් වෙනුවෙන් තම දරුවා බිලි දුන් පියෙක් 2017-06-21 - දරුවෙක් පියෙකුගෙන් බලාපොරොත්තු වන්නේ ආරක්ෂාව රැකවරණයයි. More detail
සරසවි සිසුන්ට ණය දෙන්න නිරුවත් ජායාරූප ඉල්ලපු ජාවාරම මාට්ටු වෙයි සරසවි සිසුන්ට ණය දෙන්න නිරුවත් ජායාරූප ඉල්ලපු ජාවාරම මාට්ටු වෙයි 2017-06-21 - සරසවි සිසුන් ණය සපයනු ලබන අමුතුම ආකාරයේ ජාවාරමක් නතර කරන ලෙසට චීන ආණ්ඩුව අ... More detail
මෙවර කළු රූ රැජිනට අමුතු විවේචනයක්  මෙවර කළු රූ රැජිනට අමුතු විවේචනයක් 2017-06-21 - ටෙක්සාස් විශ්ව විද්‍යාලයේ කළු රූ රැජින (Miss balck University of Texas) ලෙස කිරුළු පළඳි රේචල් ... More detail
ලොව පළමු තුන් පිරිමි විවාහය මෙන්න ලොව පළමු තුන් පිරිමි විවාහය මෙන්න 2017-06-20 - ලොව තුන් පිරිමි විවාහයක් නීතිගත කිරීමේ සිද්ධියක් කොළොම්බියාවේ මෙඩ්ලීන් ප... More detail
ලෝක පියවරුන්ගේ දිනය අමුතු විදිහට සැමරු සරාගී නිරුපිකාව ලෝක පියවරුන්ගේ දිනය අමුතු විදිහට සැමරු සරාගී නිරුපිකාව 2017-06-20 - ඇමරිකාවේ සරාගී නිරූපිකාවක සහ නිවේදිකාවක වන ක්‍රිසී ටෙයිගන් ලෝක පියවරුන්ගේ... More detail